Ерөнхийлөгчийн Ахлах зөвлөх П.Цагаан НҮБ-ын суурийн төлөөлөгч хатагтай Сезин Синаноглу-г хүлээн авч уулзлаа
Өнөөдөр Монгол Улсын Ерөнхийлөгчийн Ахлах зөвлөх П.Цагаан, НҮБ-ын Хөгжлийн хөтөлбөрөөс Монгол Улсад суух Суурин төлөөлөгч бөгөөд НҮБ-аас Монгол Улсад суух Суурин зохицуулагч хатагтай Сезин Синаноглу-г хүлээн авч уулзлаа.
Уулзалтын эхэнд, Ахлах зөвлөх П.Цагаан, хатагтай Сезин Синаноглуд Монгол Улсад суух НҮБ-ын суурин төлөөлөгч болсонд нь баяр хүргээд “НҮБ -ын Ерөнхий нарийн бичгийн дарга Бан Гимун дэлхийн уур амьсгалын өөрчлөлтийг сааруулах, цөлжилтийн эсрэг ихээхэн хүчин чармайлт гаргаж байгааг Монгол Улс тал бүрээр дэмжиж, өөрийн хувь нэмрээ оруулахыг чармайж ирсэн бөгөөд энэ талаар төр засгийн түвшинд олон төрлийн арга хэмжээ авч байна.
Монгол Улсын Ерөнхийлөгч өнгөрсөн хичээлийн жилийн нээлтээр дэлхийн уур амьсгалын өөрчлөлт, түүний үр дагаврын талаар дунд сургуулийн сурагчдад хичээл заасан төдийгүй, энэ жилээс үндэсний мод тарих өдөртэй болж, ойжуулах санаачилга, төслүүд ч мөн хэрэгжиж байна.
2010 оны 8 дугаар сард Монгол Улсын Засгийн газар говь нутагт хуралдаан хийж, цөлжилттэй тэмцэх асуудал хэлэлцэх гэж байна. Цаашид Монгол Улс болон НҮБ-ын Хөгжлийн хөтөлбөр хоорондын хамтын ажиллагаа улам ахицтай, олон салбарт өргөжин тэлнэ гэж найдаж байна” гэлээ.
Ерөнхийлөгчийн Ахлах зөвлөх П.Цагаан НҮБ-ын суурийн төлөөлөгч хатагтай Сезин Синаноглу-г хүлээн авч уулзлаа
