Шүүх байгуулах тухай хуулийн зарим зүйл заалт Монгол Улсын Үндсэн хууль зөрчсөн талаар Үндсэн хуулийн Цэцээс дүгнэлт ирүүлж, түүнийг УИХ хүлээн авч 94 дүгээр тогтоол гаргасан билээ.
Уг тогтоолд Монгол Улсын Ерөнхийлөгч хориг тавьсан юм. Ерөнхийлөгч хоригтоо “Ижил агуулга бүхий асуудлаар харилцан адилгүй жишиг тогтооход хүргэхийн зэрэгцээ улс орны эдийн засаг, төсөв, санхүү хүндрэлтэй энэ үед шүүгч, түүний туслахын орон тоо, шүүхийн байр болон бусад зардлын асуудлыг шийдвэрлэхэд эдийн засгийн бололцоо муутай, Монгол Улсын 2016 оны Төсвийн тухай хуульд энэ зардлыг тусгаагүй зэрэг нь тогтоолыг хэрэгжүүлэхэд хүндрэлтэй, цаашлаад шүүн таслах үйл ажиллагаа тасралтгүй, хэвийн явагдахад сөргөөр нөлөөлөхөд хүргэж байна” гэх зэрэг үндэслэлээр УИХ-ын тогтоолд хориг тавьсан бөгөөд УИХ-ын Хууль зүйн байнгын хорооны өнөөдрийн хуралдаанаар Ерөнхийлөгчийн хоригийг хэлэлцээд гишүүдийн олонхи Ерөнхийлөгчийн хоригийг хүлээн авахыг дэмжлээ.
Хоригийг УИХ-ын чуулганы нэгдсэн хуралдаанаар хэлэлцэнэ.
