ОХУ-ын Ерөнхийлөгч Д.А.Медведевийн Монгол Улсад хийж буй айлчлалын хүрээнд доорхи баримт бичгүүдэд Төрийн тэргүүд болон албаны хүмүүс гарын үсэг зурлаа.

Үүнд:

1. “МОНГОЛ УЛСЫН ЗАСГИЙН ГАЗРЫН ХЭРЭГЖҮҮЛЭГЧ АГЕНТЛАГ ТӨМӨР ЗАМЫН ГАЗАР БОЛОН ОРОСЫН ХОЛБООНЫ УЛСЫН ТӨМӨР ЗАМЫН ТЭЭВРИЙН ХОЛБООНЫ АГЕНТЛАГИЙН ХООРОНД ТӨМӨР ЗАМЫН САЛБАРТ ХАМТРАН АЖИЛЛАХ ТУХАЙ САНАМЖ БИЧИГ”-т Монголын талыг төлөөлж Монгол Улсын Төмөр замын газрын дарга Төгсөөгийн Батболд, ОХУ-ын талыг төлөөлж Оросын Холбооны Улсын Төмөр замын тээврийн холбооны агентлагийн дарга Геннадий Петрович Петраков нар,
    
2. “УЛААНБААТАР ТӨМӨР ЗАМ” ХУВЬЦААТ НИЙГЭМЛЭГ, “ОРОСЫН ТӨМӨР ЗАМУУД” НЭЭЛТТЭЙ ХУВЬЦААТ НИЙГЭМЛЭГ БОЛОН «ТРАНСМАШХОЛДИНГ» ХААЛТТАЙ ХУВЬЦААТ НИЙГЭМЛЭГ ХООРОНДЫН ХАРИЛЦАН АЖИЛЛАГААНЫ ТУХАЙ САНАМЖ БИЧИГ”- т Монголын талыг төлөөлж “Улаанбаатар төмөр зам” хувь нийлүүлсэн нийгэмлэгийн дарга Ванчигдоржийн Отгондэмбэрэл, ОХУ-ын талыг төлөөлж “Оросын төмөр зам” НХНН-ийн Ерөнхийлөгч Владимир Иванович Якунин, “Трансмашхолдинг” хаалттай хувьцаат нийгэмлэгийн дарга Андрей Рэмович Бокарев нар,
    
3. “ХАМТЫН АЖИЛЛАГАА, ЭРХ ЗҮЙН МЭДЭЭЛЭЛ СОЛИЛЦОХ ТУХАЙ МОНГОЛ УЛСЫН СОНГУУЛИЙН ЕРӨНХИЙ ХОРОО, ОРОСЫН ХОЛБООНЫ УЛСЫН СОНГУУЛИЙН ТӨВ КОМИСС ХООРОНДЫН ПРОТОКОЛ”-д Монголын талыг төлөөлж Монгол Улсын Сонгуулийн Ерөнхий хорооны дарга Намсрайжавын Лувсанжав, ОХУ-ын талыг төлөөлж Оросын Холбооны Улсын Сонгуулийн төв комиссын дарга Владимир Евгеньевич Чуров нар,
    
4. “ДОРНОД УРАН” ХЯЗГААРЛАГДМАЛ ХАРИУЦЛАГАТАЙ ХАМТАРСАН КОМПАНИ БАЙГУУЛАХ ТУХАЙ МОНГОЛ УЛСЫН ЗАСГИЙН ГАЗАР, ОРОСЫН ХОЛБООНЫ УЛСЫН ЗАСГИЙН ГАЗАР ХООРОНДЫН ХЭЛЭЛЦЭЭР”-т Монголын талыг төлөөлж Монгол Улсын Засгийн газрын тохируулагч агентлаг Цөмийн энергийн газрын дарга Содномын Энхбат, ОХУ-ын талыг төлөөлж Оросын Холбооны Улсын “Росатом” цөмийн эрчим хүчний улсын корпорацийн Ерөнхий захирал Сергей Владиленович Кириенко нар,
    
5. “МОНГОЛ УЛС, ОРОСЫН ХОЛБООНЫ УЛСЫН ХООРОНД СТРАТЕГИЙН ТҮНШЛЭЛ ХӨГЖҮҮЛЭХ ТУХАЙ ТУНХАГЛАЛ”- д Монголын талыг төлөөлж Монгол Улсын Ерөнхийлөгч Цахиагийн Элбэгдорж, ОХУ-ын талыг төлөөлж Оросын Холбооны Улсын Ерөнхийлөгч Дмитрий Анатольевич Медведев нар тус тус гарын үсэг зурлаа.