Өнөөдөр Монгол Улсын Ерөнхийлөгч Цахиагийн Элбэгдорж, гэргий Х.Болормаа нар Монгол Улсын Ерөнхийлөгчийн урилгаар манай оронд айлчилж байгаа Бүгд Найрамдах Финланд Улсын Ерөнхийлөгч Эрхэмсэг хатагтай Тарьяа Халонен, нөхөр Эрхэмсэг ноён Пентти Араяарви нарыг албан ёсоор угтах ёслол Сүхбаатаарын талбайд боллоо.
Дараа нь Монгол Улсын Ерөнхийлөгч Цахиагийн Элбэгдорж, гэргий Х.Болормаа , Бүгд Найрамдах Финланд Улсын Ерөнхийлөгч Эрхэмсэг хатагтай Тарьяа Халонен, нөхөр Эрхэмсэг ноён Пентти Араяарви нар Эзэн Чингис хааны хөшөөнд хүндэтгэл үзүүлж, Төрийн ордны хүндэт зочны дэвтэрт хатагтай Тарьяа Халонен гарын үсэг зурж дурсгалын гэрэл зураг авахууллаа.
