Монгол Улсын Ерөнхийлөгч Цахиагийн Элбэгдоржид Европын сэргээн босголт, хөрөнгө оруулалтын банкны (ЕСБХОБ) Ерөнхийлөгч Сума Чакрабати бараалхав. ЕСБХОБ нь хувийн хэвшлийг дэмжих зорилготой бөгөөд Азийн бүс, тэр дундаа Монгол Улстай идэвхтэй хамтран ажилладаг. Ноён Чакрабати хэлэхдээ “Монголд сүүлийн жилүүдэд авлигын төвшин огцом буурч байгаа нь мэдрэгдэж байна. Тухайлбал, аж ахуйн нэгжүүдийн дунд хийсэн судалгаагаар төрийн байгууллагуудын зүгээс авлига нэхдэг үзэгдэл багассан” гэв.
