Сэлэнгэ аймгийн Cайхан суманд Монгол бичиг соёлын өдрийг тэмдэглэлээ
Монгол Улсын Ерөнхийлөгчийн Тамгын газар Сэлэнгэ аймгийн Сайхан сумын Засаг даргын Тамгын газар хамтран “Бичиг соёлын өдөр”-ийг 2013 оны 5 дугаар сарын 9-11-ний өдрүүдэд тэмдэглэлээ.
Өдөрлөгийн хүрээнд суманд уран бичээчдийн 30 гаруй шилдэг бүтээл, сумын ЕБС-ын сурагчдын уран бичлэгүүдийг багтаасан “Мөнх тэнгэрийн бичиг” уран бичлэгийн үзэсгэлэн гаргаж, монгол бичгийн цуврал лекц уншин, монгол бичгээр бичсэн “Мазаалай” сэдэвт зохион бичлэгийн уралдаан, бийрийн бичлэг, монгол бичгийн сургалтыг зохион байгуулав.
Мөн Сайхан сумын сургуулийн 200 гаруй сурагч, уран бичлэг сонирхогчдод монгол бичгийн бийрийн тигийн хичээлийг уран бүтээлчид, хэл бичгийн мэргэжилтэн багш нар заасан ба Хөтөлийн цемент шохойн үйлдвэрийн хамт олны хүсэлтээр тус үйлдвэрт очиж монгол бичгийн талаар сургалт явуулж, монгол бичгээр тэдний санал болгосон үгсийг бичиж дурсгав.
Уг өдөрлөг нь үндэсний бичгийнхээ хэрэглээг нэмэгдүүлэхэд ихээхэн түлхэц болж, сурагчдын эх хэл, монгол бичгээ сурч мэдэх хүсэл сонирхлыг төрүүлэх, монголоороо бахархах сэтгэлийн галд цучил нэмсэн, цаашид бусад сумдад үлгэр авахаар ажил болсон байна.
Сэлэнгэ аймгийн Cайхан суманд Монгол бичиг соёлын өдрийг тэмдэглэлээ
