АНУ-ын Ерөнхийлөгч Барак Обама баяр хүргэж мэндчилгээ ирүүллээ
ЦАГААН ОРДОН ВАШИНГТОН
2013 оны 7 дугаар сарын 25
Монгол Улсын Ерөнхийлөгч Эрхэмсэг ноён Ц.Элбэгдорж Танаа
Улаанбаатар хот
Ноён Ерөнхийлөгч өө,
Монгол Улсын Ерөнхийлөгчөөр хоёр дахь удаагаа сонгогдож долдугаар сарын 10-нд тангаргаа өргөсөнд баяр хүргэе. Улс орноо хоёр дахь удаагийн бүрэн эрхийн хугацаанд удирдан жолоодох хүндтэй үүрэг хариуцлагыг танай орны иргэд Танд хүлээлгэж, ардчилсан сонгуулиар дахин сонгосон нь бидэнд олгож буй эрхэм боломж юм.
Таны удирдлага дор Монгол Улс ардчилсан шинэчлэлийг хийх, эдийн засгаа хөгжүүлэхэд чухал ахиц дэвшлийг гаргаж, дэлхийн шинэ тулгар ардчилсан орнуудад үлгэр дууриал болж байна. Манай хоёр орны харилцаа, хамтын ажиллагааг цаашид бэхжүүлэхийн төлөө Тантай хамтран ажиллахдаа миний бие баяртай байна. Хоёр орны худалдааны өсөлт эерэг хандлагатай байгаа бөгөөд Монгол Улс дахь АНУ-ын хөрөнгө оруулалтыг нэмэгдүүлэх замаар эдийн засгийн харилцааг хөгжүүлэхийг хүсч байгаагаа илэрхийлье. Ил тод байдлын хэлэлцээрийг байгуулах, түүнчлэн манай улсын шилдэг технологи, туршлага зэрэгт суурилсан уул уурхайн хамтын ажиллагааг хөгжүүлэх нь эдийн засгийн хамтын ажиллагааг дэмжих чухал арга зам болно.
Миний бие Цагаан Ордонд 2011 оны зургадугаар сард Тантай уулзаж байснаа эргэн дурсахад таатай байна. Ерөнхийлөгчөөр ажиллах хоёр дахь бүрэн эрхийн хугацаанд Танд амжилт хүсье.
Хүндэтгэсэн,
БАРАК ОБАМА
АНУ-ын Ерөнхийлөгч Барак Обама баяр хүргэж мэндчилгээ ирүүллээ
