Нэг. “Монгол Улсын Ерөнхийлөгчийн тухай”хуулийн 17 дугаар зүйлийн 6, “Төр, сүм хийдийн харилцааны тухай хууль”-ийн 5 дугаар зүйлийн 2 дахь хэсгийн заалтуудыг үндэслэн Монгол Улсын Ерөнхийлөгчийн дэргэдэх Шашны асуудал эрхэлсэн зөвлөлийг дор дурдсан бүрэлдэхүүнтэйгээр байгуулсугай.
Зөвлөлийн зохицуулагч:
Р.Болд - Ерөнхийлөгчийн эрүүл мэнд, боловсрол, шинжлэх ухаан, технологийн бодлого, шашны асуудал хариуцсан зөвлөх, доктор
Зөвлөлийн нарийн бичгийн дарга:
О.Жаргалсайхан - Ерөнхийлөгчийн Тамгын газрын референт
Гишүүд:
1.М.Батчимэг - Ерөнхийлөгчийн үндэсний аюулгүй байдлын бодлогын зөвлөх
2.Д.Баасан - Гүн ухаан, шашны түүх, зурхай судлаач
3.Ж.Батбаясгалан - НИТХ-ын Тэргүүлэгчдийн нарийн бичгийн дарга
4.Х.Батырбек - Монголын Мусульманы нийгэмлэгүүдийн холбооны гүйцэтгэх захирал
5.Б.Билэгт - Үндэсний аюулгүй байдлын зөвлөлийн шинжээч
6.Б.Идэрбаяр - Шашны их сургуулийн багш, судлаач
7.А.Жамбал - ШУА-ийн Философи, социологи, эрх зүйн хүрээлэнгийн эрдэм шинжилгээний ажилтан
8.Ч.Куланда - Боловсрол, соёл, шинжлэх ухааны дэд сайд
9.С.Цэдэндамба - МУИС, шашин судлаач, доктор
10.Д.Ширэндэв - Монголын “Үлэмж үзэхүй” судлалын төвийн захирал
11.О.Энхжаргал - Сүсэгтэн иргэн
Хоёр. Энэ зарлиг гарсантай холбогдуулан “Шашны асуудал эрхэлсэн зөвлөлийн бүрэлдэхүүнийг шинэчлэх тухай” Монгол Улсын Ерөнхийлөгчийн 2006 оны 01 дүгээр сарын 20-ны өдрийн 09 дүгээр зарлигийн 1 дүгээр зүйлийг хүчингүй болсонд тооцсугай.
Монгол Улсын Ерөнхийлөгч
Цахиагийн ЭЛБЭГДОРЖ
