Төсвийн ил тод байдлыг хангах буюу тунгалаг төрийн зарчимд юуны өмнө төр иргэндээ нээлттэй байж, эрх ашигт нь хамаарах аливаа мэдээллийг цаг тухайд нь хүргэж, иргэд нийтлэг эрх ашгаа хамгаалж, нөлөөлж оролцох боломжийг олгох явдал байдаг. Монгол Улсын иргэдийн Улсын нэгдсэн төсвийн тухай ойлголт тутмаг, тухайн мэдээллийг иргэдэд хүргэх сүлжээ хангалтгүй хэмээн Олон Улсын байгууллагууд дүгнэдэг билээ.
Энэхүү сөрөг байдлыг бага ч болов сайжруулах үүднээс Монгол Улсын Ерөнхийлөгчийн дэргэдэх “Иргэний танхим”-аар иргэд, олон нийтэд зориулж Монгол Улсын нэгдсэн төсвийн 2009 оны гүйцэтгэлийн талаар мэдээлэл өгөх зорилгоор олон нийтийн нээлттэй хэлэлцүүлгийг 2010 оны 05 дугаар сарын 27-ны 10.00 цагт хийхээр төлөвлөн ажиллаж байна.
Уг хэлэлцүүлэгт Сангийн яам, Дэлхийн банк, Монгол Улсын Их, дээд сургуулиудын багш нарийн баг, төрийн бус байгууллагын төлөөлөл оролцож илтгэл, танилцуулга хийхээс гадна иргэд оролцож санал бодлоо чөлөөтэй илэрхийлэх боломжтой юм.
Монгол Улсын 2009 оны нэгдсэн төсвийн холбогдох материалуудыг доорх холбоосоос татаж авна уу?
