Монгол Улсын Ерөнхийлөгч Цахиагийн Элбэгдорж Дэлхийн банкны Монгол Улс хариуцсан менежер бөгөөд Суурин төлөөлөгч Аршад Саеидыг өөрийнх нь хүсэлтээр хүлээн авч уулзлаа.
Уг уулзалтаар Монгол Улсын нийгэм, эдийн засгийн байдал, тухайлбал банкны орчин, төсвийн шинэчлэл буюу орон нутагт төсвийн эрх мэдлийг шилжүүлэх тухай Ерөнхийлөгчийн санаачилж буй хуулийн төсөл болон Шүүхийн эрх мэдлийн хүрээнд шинэтгэлийг гүнзгийрүүлэх хөтөлбөрийн талаар дэлгэрэнгүй ярилцсан байна.
